AC米蘭喺上星期六主場鬥拿玻里，派出全隊「90後」迎戰，其中新前鋒比亞迪克後備上陣踢咗20分鐘左右，而拿玻里今場有啱啱停完賽復出嘅中場法比安彭拿，完場前兩黃一紅被逐，最後同米蘭互交白卷痛失兩分。同日意甲，森多利亞主場4:0炒烏甸尼斯，入兩球12碼嘅35歲前鋒加利亞雷拉，連續11場聯賽入波，追平94年巴迪斯圖達嘅紀錄。