中國隊在亞洲盃八強慘敗予伊朗0:3，行人止步。周日，有多達五位球員入選中國隊嘅廣州恒大召開亞洲盃總結會，席間其中三位主將包括隊長鄭智、前鋒郜林，同後防張琳芃表現備受肯定，獲頒「恒大國腳國家隊比賽拼搏獎」。不過喺對伊朗犯下大錯嘅中堅馮瀟霆就俾恒大處分，貶落預備組。馮瀟霆亦向球迷道歉，並希望大家繼續支持中國隊。