伊美利安奴沙拿上禮拜一坐私人飛機喺英吉利海峽失蹤，英國根西警方搵咗幾日都冇結果後宣佈終止行動；不過沙拿嘅屋企人、球迷同一眾球星仍抱希望，沙拿經理人喺網上搞咗個眾籌活動，希望籌到30萬歐元（約267萬港元），畀當局重新展開搜救。唔少球星好似拉比奧特、哥斯尼同前南特主帥夏利荷錫都有份捐錢，令眾籌成功達標，𠵱家有機構派出漁船繼續搜救。