方力申昨日到九龍灣出席慈善籃球賽，談到家中裝修，他自嘲有富貴病：「我對麈埃有敏感，𠵱家仲要遲睡早起，因為9點開始鑽牆，搞到我夜街都唔敢去。」問有否為翻新後的房間準備雙人大床？小方笑謂：「你又知？真係有呀！有張好大、全新嘅大床，冇人瞓過嘅，邊個想嚟瞓？講笑，上次我講完全力出擊識女仔，都覺得自己過份咗，出街人哋好驚㗎，所以兒女私情都係緣份啦。」