【本報訊】兩個醫生工會今日舉辦「不在沉默中谷爆」公共醫生申訴大會。有急症室醫生表示，流感高峯期下因病人太多而要「衝症」，治療質素無可避免下降，同時又要照顧兩個可容納約60至80人的急症科病房。該醫生形容公院醫療服務已完全超出負荷，「係唔係要出現好多單唔同嘅醫療事故，或者係有病人因為等床等到失救，咁樣先叫醫療制度爆煲呢？」
急症室「衝症」增出錯風險
將參與集會的伊利沙伯醫院急症室駐院醫生張臻善表示，高峯期下急症科病房經常爆滿，急症室醫生要為留醫病人安排進一步檢查，處方留醫期間所需藥物；護士及其他職工要為留醫病人量血壓、探熱等，變相分薄診治急症室輪候病人的時間。張指，醫生因急症室病人太多而要衝症，即盡快完成診治每名病人，「要睇得快，咁睇得好嘅程度一定下降」。病人太多下增加醫生出錯風險，「細微嘅嘢會睇漏，個腦轉唔切去做決定」。
張直言前線醫護士氣低落，工作環境越來越差，醫療體系已爆煲，「講戰地醫院已經講咗好多年，已經打仗打咗好多年，全年365日都打緊仗。係唔係要出現好多單唔同嘅醫療事故，或者有病人因為等床等到失救，咁樣先叫醫療制度爆煲呢？」
醫管局人力資源主管及總護理行政經理分別向醫護發信，指局方會積極增加醫生的專業保障，指今年目標請逾2,200名護士。
■記者陳沛冰