【本報訊】年輕失婚印傭來港工作數天，稱遭男僱主大肆非禮及強姦。被告昨自辯反指遭事主挑逗勾引，親吻他的臉頰，大讚他「先生，你好好人」，及後主動在廚房熊抱他，為他手淫及口交，自言當時「俾佢搞到好興奮，我都想要」，故迎合對方動作，打算從後交歡；惟因當時肚腩太大，事主臀部亦太大，故受身材阻礙未能成事，最後只手淫了事。他指完事後遭事主咬他膊頭而清醒過來，跟着到客廳買馬。
任職廚師的被告曾偉新（55歲）否認非禮及在睡房和廚房強姦女事主（28歲），強調遭對方勾引，源於他懷疑事主弄傷其弱智女兒，事主承認一時不小心，他答應不追究後，事主即大讚他好人；事主又試過問他「拎20蚊買嘢食」，他答應後對方即吻他臉頰。
指肚腩太大未能成事
事主指前年12月20日下午遭被告在廚房強姦，被告昨反指是事主採取主動，但之後「俾佢搞到好興奮」，打算交歡，但終因體形問題未有成事。法官李漢良聞言一度質疑：「你無端端有呢啲需要？又話趕住返工？」被告表示「個刻我已經俾佢搞到㷫晒，由得佢擺佈」。之後被告聲稱因肚腩太大而未有交歡，最後由對方幫忙手淫了事。李官突然說：「你𠵱家瘦咗好多。」被告即指還柙後瘦了50磅。
被告稱完事後事主突然咬了他膊頭一下，他立即清醒過來：「點解我會做呢啲行為？點解我會同工人做呢啲咁嘅嘢？死喇！大鑊喇！」於是他走到廁所「抹返啲嘢」，跟着到客廳買馬，之後上班。
被告又解釋結婚後沒接觸其他女人，故「突然見到另一個女人，嗰刻有啲瘟瘟沌沌」。李官問：「唔好介意，同太太性生活係咪正常？」被告表示「好疏落」，亦沒找其他途徑發洩。被告自辯完畢，聆訊下周一續。
案件編號：HCCC187/18
■記者蘇曉欣