菊梓喬昨日到商台宣傳第二張專輯《但願人長久》，早前她奪得無綫的「最受歡迎女歌星」後，負面新聞不斷，菊梓喬坦言感覺猶如坐過山車：「好多人有唔同意見，我好明白，但攞獎始終係開心事。至於大家話我虛報年齡，我真係覺得年齡呢樣嘢，唔需要講大話，今次好似入咗EQ訓練營咁，EQ都提升咗。」
對於早前有報道指與同性密友密會放狗，菊梓喬解釋只是碰巧見到：「我哋成年都冇見過，新聞出咗，大家有溝通過，咁朋友唔係男就女㗎啦，我朋友都幾多，成日撞到人。」菊梓喬強調好歡迎好男人照顧自己：「最緊要肯體諒我，因為我認我事業心好強。」另外，有指她情緒失控爆喊，菊梓喬自認是大喊包，聽歌、睇戲，甚至看散文，都可以流眼淚。
採訪、攝影：盧妹