前曼聯名將史高斯有望繼傑斯、加利佬同菲臘佬後，另一位曼聯「92班」成員退役後執起教鞭。英國《每日郵報》報道，話已獲得A級教練牌嘅史高斯，或會由佢細細個時嘅愛隊、𠵱家喺英乙嘅奧咸展開執教生涯。史高斯加盟曼聯青年軍前，曾經喺同市球會奧咸接受過訓練，更一直係奧咸嘅忠實粉絲，成名後亦經常到奧咸探班或者睇佢哋嘅比賽。