翻睇又翻睇張敬軒的活現香港短片，介紹他租住的港大文物居所玫瑰村，前後花了五年時間，傾租約傾這麼久應該破了香港租屋史。這個有心人終於做成租客，除了在歷史大宅拍MV，還讓保育團體請來屋主年邁的女兒一家，回港到玫瑰村小團圓。對老屋有感情，張敬軒不是一般租客，網友留言，一語中的：「這個歌星很有錢不出奇，難得他有錢而有品味，又懂得美學。」人有好人，歌有歌神，張敬軒兩樣都中，型爆。
玫瑰村的原屋主是皇都戲院創建者，皇都的露天拱頂，不知道還能撐多久。業權易主，落入新字頭地產集團之手，皇都九成變成不知所謂那座灣仔街市豪宅。算死草賺到盡的地產商，跟林鄭眉來眼去，唔食唔放假唔去日本廿年才買到一間龍床屋的業主，係咪有少少妒忌呢？而近日為捧韓市長，一擲一億八新台幣現金買了四戶高雄豪宅的神秘港商，應該唔係細細個已鍾意生日數銀紙的劉公子吧。薄扶林有座玫瑰村是港人運氣好，萬一港大校委土地問題上頭，邀皇都戲院那家發展商做大個餅佢，玫瑰村好快消失，短片中問張敬軒借豉油的鄰居，蕉都無條，就聽到保安大喊，滾！