摩連奴自從俾曼聯炒咗之後就一齊未有新工，不過佢近日就預告，話自己肯定會復出領軍，又指自己仍然係其中一位最高水平嘅主帥。摩佬話：「我想繼續教波，雖然喺球圈打滾咗咁耐，但數數吓下星期先56歲，所以我其實仲好後生。我會復出，球場正正係屬於我嘅地方。我仲係頂級足球嘅一分子，大家都談論緊哥迪奧拿同安察洛堤，而我顯然亦都係屬於呢一群，我哋領軍生涯當中都有好長時間享受勝利。」對於外界批評佢領軍嘅曼聯風格太過保守，佢就回應：「要踢得好睇但唔贏波好容易，要維持一種足球理念但完全忽視成績都好容易。不過成績比形象同聲譽更加重要，因為成績係永遠嘅，亦都係令領隊能夠躋身更高層次最關鍵嘅一點。」