揸車除咗切忌心浮氣躁，仲要眼明手快，將軍澳工業邨噚日有一架田螺車翻側，同佢並排嘅貨車司機大哥，反應夠快，逃過一劫，唔係分分鐘變肉醬。
呢位司機大哥事後將車cam片段放上網，喺下晝近1點，田螺車沿住環保大道入堆填區方向，旁邊嘅貨車原本喺田螺車後面，片段仲聽到車主打畀客戶話「我就到」，當兩架車右轉入駿日街，田螺車突然成架向左翻側，斗內嘅石屎即時瀉晒出嚟，喺田螺車左邊嘅貨車，即時煞車，先冇俾田螺車壓住，真係執番身彩，雖然司機哥哥趕住去做嘢，但出事之後，佢都將架車停低，落車幫手救人，非常抵讚。
片段流出之後，網民意見不一，有人話貨車司機唔應該同大型車輛平排，亦有人讚貨車司機處變不驚，仲第一時間落車救人，亦都有人竟然係關注成地石屎，有排搞咁話喎！不過點都好，最緊要人冇事啫！姓劉（60歲）田螺車司機事後自行爬出，輕傷送院。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。