苟芸慧生小朋友將會是三、四年之後的事，她已計劃生B後專注家庭，故現在會把握工作時機，在這四年內衝刺，「唔係個個都有咁多機會，有人鍾意係感恩嘅事。今年有機會希望可以拍多啲網劇，自己仲係新人，始終好耐都冇拍嘢，結婚後會多咗人生嘅經歷，希望可以配合到唔同嘅角色。」
問到要拍親熱戲，是否要老公批准？苟姑娘說：「我覺得佢OK嘅，但我尊重佢，都會問佢，同佢商量，佢應該好尊重我，佢鼓勵我有好多面觀眾係唔知嘅，可以將唔一樣嘅嘢表現出嚟，嘗試唔同角色 ，因為呢啲機會唔係人人可以做到，電影生活同現實生活係不一樣，可以做到其他角色係好有趣嘅。」
更多精采時尚內容，盡在 http://add.appledaily.com。