上周五上演嘅列斯聯鬥打比郡場英冠前列大戰，賽前爆出嘅間諜風雲事件擾攘一時，列斯聯上周六就正式向打比郡發表道歉聲明。呢場間諜風雲源自列斯聯派出一名可疑男子，走去打比郡訓練場地刺探軍情，列斯聯領隊比爾沙亦都承認係佢做。列斯聯聲明提到：「根據比爾沙噚日嘅回應，球隊會同教練同埋佢班團隊接觸，提醒佢哋誠信同誠實係球會建立嘅宗旨。球會班主Andrea Radrizzani已經同打比郡擁有人Mel Morris會面過，並就比爾沙嘅行為正式道歉，球會唔會就事件再作任何回應。」事件主角比爾沙就話會接受球會同足總作出任何制裁，亦會接受打比郡對佢嘅任何判決。