除咗民主派拎保護野豬做地區宣傳外，梁振英嘅滅豬論亦引起好多人關注，好似平叔王永平（圖）噚日亦喺fb出帖，諷刺689嘅滅豬論，仲話如果嚟個最值得人道毀滅嘅生物公投，估吓邊種生物勝出！
平叔喺fb貼咗689段講人道毀滅野豬嘅新聞，仲發帖話「原來野豬的天敵是梁振英！」平叔仲借機話，如果畀香港人投票，選出最值得人道毀滅嘅生物，點都唔輪到野豬囉，咁個結果會係乜嘢生物呢？平叔自己冇講，只貼出一串問號，不過睇咗平叔貼嘅新聞，個答案大家應該估到喇！好多網民喺平叔fb大讚佢好波，少見有咁直接同快狠準，又有人叫平叔不如直接喺fb搞個投票，等大家可以公開表態！