周五亞洲盃B組次輪賽事，首仗失利嘅澳洲收拾心情鬥巴勒斯坦，結果談笑用兵之下以3:0大勝對手，今屆比賽首嘗勝果。今場呢支衞冕球隊開波18分鐘就有斬穫。前鋒占美麥卡倫接應湯洛積嘅右路傳中，頭槌頂成1:0。相隔兩分鐘，小將麥比再建一功，領先到2:0。到比賽尾段，澳洲由基安努埋齋，最終大勝3:0，目前以三分排喺B組次名。