日本球壇長青樹三浦知良今年又續約，今年已經係佢第34年職業生涯喇，點到你唔服？根據日乙球會FC橫濱新一季嘅名單，11號就依然係「King Kazu」，續約都唔使講到明嘅。二月底就52歲嘅三浦知良係現時唯一一位喺日職1993年創立到𠵱家仲未掛靴嘅球員，雖然最近10年都喺日乙踢波，不過每年佢續約都會成為日本體壇嘅焦點。