巴黎聖日耳門（PSG）喺禮拜三嘅法聯盃八強雖派強陣，但61分鐘就輸12碼，好彩法國名將杜林個仔馬古斯杜林射失，大難不死嘅PSG一分鐘後由尼馬破門打破僵局，仲擺出一副不可一世嘅姿勢，不過PSG完場前10分鐘連失兩球，以1:2不敵甘岡宣告衞冕失敗，亦係今季本土賽事首嘗敗仗，真係想知巴西球王賽後係乜嘢樣。