噚日朝早5點幾，將軍澳翠林邨停車場傳出撞車聲，嘈醒咗差唔多要起身返工嘅菜販程先生。之後程先生出門返工，經過停車場嗰陣，見到有一部平治撞咗埋上斜路口嘅壆邊，仲有個男人瞓咗喺距離平治幾十米外嘅行車路上面。程先生仲眼見停車場入面至少有幾部車畀人撞爛咗，又移晒位，一片亂象，究竟發生乜事？
身有酒氣兼涉藥駕
程先生話瞓喺車路個男人，身邊有啲卡同大堆散銀，因為驚佢瞓喺車路有危險，走埋去扶佢埋一邊休息，聞到佢身上有啲酒氣，然後問佢發生乜嘢事。程先生話對方想答，但又懵吓懵吓，講唔到嘢。程先生估計佢較早前應該出去玩飲過酒，之後夾硬揸車返屋企，懷疑佢喺停車場入面L形咁行車，周圍撞，所以牽連多架車，直至撞到逆線上斜位路口嘅牆壆，架車先停低。司機落咗車，行落斜路，行行吓就碌咗落地下喇。
警方接報到場調查，初步了解相信53歲姓溫嘅男司機揸架平治私家車，喺停車場入面橫衝直撞，前後撞到十部車，包括客貨車同私家車，最後撞埋石壆先至停低。警察就懷疑男司機藥駕，以涉嫌在藥物影響下駕駛及危險駕駛將佢拘捕。溫嘅手腳受傷，之後送院治理。
記者現場所見，無端端畀人撞爛嘅十部車，部份損毀都幾嚴重，有啲車身凹咗，有啲車牌都撞甩埋，地下留低好多碎片，事後有清潔工人喺度清理。程先生都戥無辜嘅車主慘，話個司機唔清醒嘅情況之下，好心就將自己架車求其擺埋一邊，夾硬揸返嚟撞到人哋啲車，搞到人哋唔係咁好，人哋有啲係搵食車，開唔到工，仲要墊支維修架車㖭。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。