讓世界上一道菜消失。
蔡瀾選火鍋，葉一南揀自助餐。兩樣都係我的頂頭熱門心水，極希望它們永久湮滅。再下一城，火鍋與自助餐之後，我會叮走過年時阿茂阿壽都會推出而且送到上門的偽盆菜。
其他人消失的menu選項，會點叮？
林鄭奶媽念念不忘，肯定最想滅絕薯片！
張建樽被預先張揚的換馬傳聞嚇到鼻哥窿無肉，所以最想咖喱魷魚隨中華白海豚一起消失。
鄭白眼雖然有個特大僭建地牢避風頭，但崩口人忌崩口碗，至鬼憎，燉冬菇。
689唔使喺fb宣揚，係人都知廉記咖啡唔係佢杯茶，廉啡消失，就不會有人質問五千萬可以沖出幾多杯絲襪奶茶。
楊教局針對廣東話教學，長遠而言必然趕盡冇乜用的廣東菜，學校飯堂以煲冬瓜取替。
蔡英文總統不接受一國兩制，高姿態下令把豬骨湯世世代代趕出寶島。
特朗普冇文化，堅定不移要美國優先，對豬雜雞雜牛雜通通說Fxxx！落閘！