曼聯喺上星期六英足盃以2:0擊敗雷丁之後，就會拉晒大隊去杜拜集訓（圖），全力準備下星期日對熱刺的作客比賽。場波完咗後，曼聯嘅職球員就浩浩蕩蕩咁，去咗曼徹斯特機場搭飛機出發，不過就唔見星級中場保羅普巴嘅蹤影。
一眾曼聯球星好似迪基亞、拉舒福特同埋阿歷斯山齊士等都有喺機場出現，不過唯獨普巴未見影。呢位法國中場喺對紐卡素嘅比賽中受傷，上星期六嘅比賽都冇上陣，或者係留守喺大本營養傷。雖然冇咗呢位焦點人物，但係曼聯陣內依舊有好多網絡紅人，其中連格就同小將安祖高美斯一齊戴起眼罩post相上ig，潮玩電影《蒙上你的眼》主角珊迪娜布洛嘅蒙眼橋段。