青衣9號貨櫃碼頭噚日發生漏油事故，有讀者同記者講，事故起因係一艘泊喺貨櫃碼頭加油嘅貨櫃船，入唔到油反而嘔番晒出嚟，大量嘅油噴上甲板再漏出海面，污染海面範圍約兩公里。
平價油污染物含量較高
噚日晨早5點幾，泊喺9號貨櫃碼頭嘅一艘貨櫃船，由另一艘入油船幫佢加油，消息話當時係入緊「重油」，重油係原油提取汽油、柴油之後剩番嘅重質油，可以話係船用嘅平價柴油，一般遠洋船都會用到；但係重油嘅污染物含量比較高，含硫量可達2.6%，燃燒嗰陣比車用柴油造成較嚴重嘅空氣污染。
唔知係唔係入油船幫貨櫃船加油嗰時入錯油缸，大量油噴出甲板上面再流入海，海面形成大片油污，仲漂到去差唔多兩公里外嘅青衣南橋一帶海域。但讀者話直至朝早接近9點，先見到有外判工程船到場清理，喺海面噴射化油劑，佢覺得海事處污染控制小組反應都幾慢，三個幾鐘之後先出現清理油污，油污好可能已經影響咗水質同埋海港生態喎。
海事處發言人話，噚日朝早大約5點半接到報告，一艘停泊貨櫃碼頭18號泊位嘅貨櫃船發生漏油事故，海事處人員隨即趕去現場了解，而且調派兩艘清理油污嘅船隻去現場處理。而相關船公司亦都有安排拖輪喺現場協助清理。油污面積大約50米乘20米，截止噚日傍晚時分，海事處嘅船隻仍然喺現場清理緊油污。
海事處會調查事故原因同埋作出適當跟進，亦已按既定程序通知相關部門。環保署就話會密切監察水質，會同海事處保持溝通。據資料顯示，漏油事故發生地點附近範圍並非水質敏感區，環保署暫時未收到海產養殖區或泳灘受到污染的報告。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。