世界四大會計師事務所之一嘅畢馬威最近就發表咗一份報告，係從球員嘅年齡、位置、個人比賽表現、商業價值同重要性等10個項目入面作出統計，計出全球10大最有價值球員。效力巴黎聖日耳門（PSG）嘅巴西球星尼馬以2.06億鎊（約20億港元）位列第一，而佢嘅PSG隊友基利安麥巴比就以1.93億鎊排第二，至於阿根廷球星美斯就排第三位，身價為1.83億鎊。
喺10大之中，排名最高嘅英超球星係利物浦前鋒穆罕默德沙拿，以1.51億鎊排第四位。至於10大不入嘅基斯坦奴朗拿度就只係值9,650萬鎊箒，當中主要原因係佢下個月將會踏入34歲，所以綜合價值就相對較低。