噚日《太陽報》爆料，繼上周五一名英格蘭球員出席球會聖誕派對嗰陣，喺夜店廁所吸食可卡因後，又有第二名英格蘭球員出席聖誕派對嗰陣俾人發現吸食可卡因。報道話呢個球員嘅同伴，向一個女人推介可卡因，而呢個球員喺廁所吸食完後，左搖右擺咁出返嚟，然後就俾場地保安拉住佢條皮帶咁離場。個女人就話個派對喺嗰位球員踢完英超賽事後一日舉行。