現年34歲的沈卓盈，在02年參加無綫「《TVB周刊》Cover Girl選舉」奪冠入行，一做便16年，她於去年底約滿，深思熟慮後定不續約向外闖，沈大師昨日在Ig宣佈回復自由身。沈大師上載了一張華麗轉身照片，並留言：「時間飛逝，轉眼間已16個年頭，回想當初參加《TVB周刊》所舉辦的Cover Girl選舉而入行，不經不覺喺呢個大家庭保護下慢慢成長，喺度讓我衷心多謝公司一路以來對我的栽培同愛護，沒有公司，也沒有今天的我。」沈大師並逐一多謝台前幕後多年的幫助。
沈大師昨日接受電話訪問時，她提到娘家無綫時說：「都有唔捨得，畢竟同公司合作咗十幾年，大家一直關係好好，只不過自己𠵱家想嘗試多啲唔同類型嘅工作，學吓獨立，乜都會試吓，希望可以多方面嘅發展，繼續努力工作，新一年，新開始。」
採訪：陳杰
