多蒙特20歲翼鋒基斯甸普列錫以5,800萬鎊身價轉投英超豪門車路士後，唔單止刷新美國球員紀錄，一般估計佢未來仲會「錢」途無限。普列錫青訓時代導師夏里斯就話，呢位喺美國足球史歷來最大牌嘅球星，雖仲未喺倫敦立足，但贊助合約已準備送上門，佢嘅贊助費可匹敵湖人嘅勒邦占士，同埋網壇傳奇莎蓮娜。