「中國製造2025」吹到特大，差點超越習大大，結果呢，去年年尾就被迫因小失大，由外交部發言人陸慷樣衰衰認低威，告白：「這個僅是規劃指南，不是正式行業政策，一開始傳媒對這個規劃報道就是有誤的。」
這樣嗎？原來林鄭比陸慷醒好多，收晒風，早就出動明日大嶼化骨綿掌，在眾多年輕反對聲浪中，和土供組被賣豬仔的大叔幽怨中，忽然來一句「明日大嶼唔係規劃，係願景來的」。一句到尾，成功爭取在我，失敗就係你班契弟無柒用！收到未？
明日大嶼比2025長遠，質疑學生用廣東話長遠而言係咪有用的楊局長，唔知到時還人在其位否，但可以肯定，廣東話比任何官員長壽，明日大嶼公屋「入伙紙」願景設置在2032年，咁啦，申請者，都要跟浸大睇齊，要考普通話，肥佬無得上樓！從今開始，市民日日呢喃着Xiqu組合詞，謹記這個Xi，絕對不是習，避免fusion發音做「習Q」！或者必遭包膠的「私處」！私處中心，有無僭建？林鄭管治班子以張建宗為首，樂於被剪筋，血淋淋示範，公私營合作的太監新世界樂園，由林鄭操刀，港人絕望指標，今年有望跳升三級，多謝中國製造，全球無敵至絕！