提起廉署，大家會聯想起……梁振英？查實諗起689，都唔令人意外嘅，但廉署有樣signature drink，歷史更悠久。冇錯，就係廉署咖啡嘞！廉署趁今年成立45周年，以「誠果」為主題舉辦連串宣傳活動，包括未來兩個月喺特定商場設攤位舉辦咖啡分享活動，透過快閃方式向市民大派遠近馳名嘅「廉署咖啡」，參與攤位活動市民亦會獲贈廉署45周年紀念品如DIY布袋、行李牌等，現場仲有超大型廉署咖啡杯擺設，並有以港式冰室為題嘅selfie wall畀市民打卡。1974年出世以及2月15日生日嘅市民仲有大禮，可以到攤位換取限量版紀念品。
而喺2月15日呢個廉署成立紀念日，印有廉署45年周年標語嘅紀念號電車仲會穿梭港島，喺幾個指定電車站向市民大派咖啡同紀念品。搞咁多嘢，無非想提醒市民攜手反貪，守護廉潔香港，如果689做大使，會唔會更收「宣傳」之效？