【名家足路】下周日英超聖誕新年快車繼續開車，換帥後連贏兩場的曼聯在主場迎戰自11月開始走下坡的般尼茅夫。
曼聯自蘇斯克查走馬上任後，球隊回復應有水準並立即取得兩連勝，分別大勝卡迪夫城及哈特斯菲爾德。蘇斯克查貴為前領隊費爵爺其中一位大弟子，看來球員對他亦有一定信任。當然費Sir和前助教菲倫默默在背後支持，亦對蘇斯克查有非常大的正面影響。
其實，摩連奴被炒的時機相當玄妙，好讓新帥有機會取得連勝兼有一個好開始。球隊連勝兩場後士氣亦有所回升，陣中表現回升得最多的就一定是保羅普巴了。他上場對哈軍出任自由人的角色，令他找到了在球隊中的定位，不但無私地為隊友鋪橋搭路，個人更梅開二度。
曼聯今場面對注重地面踢法的般尼茅夫，就未必會像前兩場般輕鬆勝出。上場對哈軍如非迪基亞再一次作出神救，球隊未必可輕鬆取三分；紅魔近仗皆有失球，球隊仍處磨合期。般茅進入今周比賽前排在聯賽第12位，比上雖有不足，但亦不用太擔心降班，所以今場作客回復水平的曼聯，絕對可以一分為目標。
個人認為，今場般茅在作客下會以防守為最大任務，比賽節奏亦會被拖慢，所以上半場有可能會打成平手；下半場由於曼聯的板凳深度比傷兵滿營的般茅好，變陣後又可以高空轟炸不善防守高波的般茅，故下半場曼聯應可以取得入球險勝對手笑到最後。推介「半全場」的[和/主]給大家參考。
文：丘建威