威靈頓鳳凰嘅連勝紀錄斷纜！禮拜五嘅澳職獨腳戲，鳳凰雖然有大衛威廉斯先開紀錄，但之後俾墨爾本勝利追和1:1。鳳凰賽前連續三場聯賽都贏晒，強如FC悉尼都唔係佢哋對手。兩隊上半場冇交收，第一個入波去到62分鐘先出現，鳳凰前鋒大衛威廉斯把握反擊機會，喺禁區頂附近抽射入網，不過到77分鐘勝利靠瑞典前鋒托禾倫近門撞入追平，兩隊戰平1:1。