基斯坦奴朗拿度（C朗）想唞吓都唔得！祖雲達斯喺意甲對住阿特蘭大靠球烏龍波領先，點知俾對手嘅杜雲沙柏達連入兩粒反超前，教頭艾基利眼見勢色唔對路只有照出C朗，後備上陣嘅C朗喺78分鐘門前頭槌破網追平2:2，幫祖記保住不敗身。至於國際米蘭就憑住後備上陣嘅拿達路馬天尼斯喺補時一箭定江山，主場以1:0絕殺有兩人被逐嘅拿玻里。