外交部駐港特派員公署自從有facebook之後，不時出po，近日就上載短片指外國有網民質疑中國除咗四大發明之外，冇嘢值得驕傲，點知就有據講係外國網友反駁，指古代中國好多「高科技」，例如水晶杯、越王勾踐把劍、漢代嘅牙刷等，係「包羅萬象又讓人拍案叫絕」。唔知係咪因為華為事件，令「厲害了，我的國！」覺得係因為創新而受打壓，所以個po同時指，「我們為老祖宗的智慧點讚的同時，亦需時刻牢記：創新是一個民族進步的靈魂，是一個國家興旺發達的不竭動力。在這方面，我們任重道遠！」
本來呢啲古代「高科技」都好勁，如果有緣喺博物館見到，或者都會「哇」一聲，但有冇必要拎番啲幾百年甚至成千年前嘅嘢出嚟自high？相信除咗強國人外，唔會太多人有共鳴嘞啩！