特首林鄭月娥前日喺佢facebook專頁講，放假會坐高鐵去689鄉下山東嘅濟南旅遊，噚日聖誕節林鄭立即喺fb上載佢旅遊全家福，佢同丈夫林兆波企中間，大仔林節思和細仔林約希企兩邊，節思仲揹住部相機，一家人着住羽絨外套，十足遊客look。
之前娥特拍片話自己到咗山東嘅濟南旅遊，不忘政治正確推銷高鐵同香港駐山東聯絡處搞嘅國家改革開放40周年展覽，今次佢就講風景，話對濟南城景慕名已久，因為濟南市素有「四面荷花三面柳，一城山色半城湖」美譽，又話全家去咗趵突泉、黑虎泉、大明湖等地方遊覽，聲稱要感受一下老舍筆下嘅「濟南的冬天」喎，又話另一大收穫係參觀了山東博物館，有大量珍貴嘅出土文物，又借機同館長建議，日後香港可以同山東博物館多啲合作。