俾人炒已經慘，如果想留喺辦公室多陣，懷緬吓都唔得就仲慘。據英國《每日郵報》報道，曼聯早前落實炒摩連奴（圖）之後，只係五分鐘後就清晒佢間辦公室，都咪話唔慘。
報道指曼聯喺英國時間上周二朝早9點46分落實炒摩佬，摩佬同球會行政總裁活華特面對面傾完先知球會呢個決定。曼聯職員就喺消息落實後，只係用五分鐘就將摩連奴間辦公室清空，佢啲私人物品，包括掛喺牆度啲畫同獎盃，都俾人裝晒入箱運走埋，睇怕掛喺電視隔籬嘅摩佬公仔（下圖）都凶多吉少喇。一位消息人士就話：「球會真係好無情，佢哋夾夾埋埋只係用15分鐘就將摩佬變成歷史。」