葵涌石蔭路上周二下晝突然傳嚟斷續三下爆炸聲，嚇煞行過嘅街坊。做運輸嘅楊先生當時喺現場做緊嘢，啲爆炸聲就喺佢車旁，原來係一個伯伯坐住嘅電動輪椅行緊嗰陣突然爆炸仲冒煙起火，好彩冇燒傷伯伯同途人咋。
途人勸說始肯離座
現場係石蔭路50至54號金石樓對開一條暗斜行人路，下晝4點幾，楊先生見到伯伯坐住電動輪椅上斜，突然發出一下爆炸聲，輪椅即時停咗，隔10秒左右開始冒煙，但伯伯似冇乜反應咁，楊先生同幾個途人即刻去扶伯伯起身走人，伯伯初時仲話輪椅冇問題，途人再三說服佢先肯慢慢起身行埋一邊。
伯伯一行開，途人嘗試喺輪椅嘅電池位閂開關掣，楊先生話混亂中都唔知途人有冇成功閂掣，但部輪椅又冒煙，再嚟一下爆炸，在場嘅人都散開。過一陣濃煙消散，伯伯仲坐番落去，附近大廈嘅街坊叫佢快啲起身，扶開佢之後，輪椅第三次爆炸，電池位仲着火㖭。
附近金石樓嘅保安同街坊即刻攞滅火筒救火，消防同警察接報之後亦都好快到場，消防員接力再用滅火筒救火。事件中87歲袁伯冇受傷，消防員初步調查相信係電動輪椅電池短路。楊先生話在場有人問過袁伯使唔使通知佢屋企人去接佢，但伯伯似乎對答唔到，最後都唔知佢去咗邊。而嗰部燒過嘅輪椅就俾人鎖喺路邊鐵柱。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。