國際米蘭嘅比利時中場尼恩高蘭（圖）行事一向放蕩不羈，上年踢羅馬已經因食煙飲酒要停賽，家陣轉咗會都繼續出事。國際早排發聲明，話尼恩高蘭因紀律問題被停賽，但就冇講咩事，意媒就話係佢操練遲到搞出事。國際即將喺周四迎戰拿玻里，尼恩高蘭就肯定冇份喇。其實尼恩高蘭今年真係黑，事關佢最近俾賊仔冒認身份開支票，唔見咗15萬歐元，家陣又俾國際停賽，黑到爆！