湯怡和彭秀慧前晚到九展出席電影《大黃蜂》（Bumblebee）首映禮，湯怡月前宣佈和拍拖11年的洪卓立分手，所以今年要單身過聖誕節，她說：「第一年同朋友過，相信一樣開心，唔會lonely，有好多地方想去，咁耐都冇影過聖誕燈飾，會約埋一班朋友着埋同款唔同色嘅衫一齊影相。」會否藉節日認識異性？湯怡說：「未咁快認識新朋友。」是否未放下舊情？她坦承：「相信咁多年，唔係一下子可以放低。」
湯怡強調和洪卓立仍是朋友，稍後也會去捧場欣賞對方的音樂會。她又自言個性慢熱，要先深入了解一個人才會有進一步發展，不論拍拖、交朋友和同事都一樣，而熟絡之後就會變得好熱情。
採訪、攝影：張俊銘