有一種聖誕禮物，叫做禍不及妻兒。
邊位發明這件禮物呢？689。真的，冇滾你。689講過N種金句，但無人記得他講過這一句。當時呢，禮賓府那位公主，得了公主病，除了在老蘭醉酒大鬧，兼當着記者面前掌摑趕來救駕的老媽之外，還在府內陽台徘徊，被記者拍到迷離悽楚的臉容，還在社交網絡睇到公主自稱遭禁錮的貼文，還確認了救護車曾經被召喚，地址就是上亞厘畢道那座貴賓式監牢。那段時間，689就曾經拉長一張苦瓜臉，激罕地，眼泛淚光，對傳媒鏡頭說了那一番話。
時移卻無世易，禍不及妻兒，爆出新常態解讀。
屯門僭建天台地庫那座別墅，不獲提告，近鄰那幢一模一樣有隱晦秘道互通的豪宅，同樣多項僭建，被提上公堂的男主人，跟僭建物一齊曝光的是身份：「鄰居係我老公嚟嘅」。最終刑事檢控落到老公一個人頭上，沒有比「禍不及妻兒」更準確的「預言」了！還有另一樁樓換樓奇案，也是丈夫攬罪，放生同是業主的高官老婆。男人大丈夫，送份大禮給老婆大人吧。落鑊名單中，有無被老婆一手推開唔畀合照的白襪仔先生？