冬至係一家人團圓嘅大日子，通常大家會圍埋一齊食個晚飯，莫非有埋煙花助興會更加high？多名巿民報料指上周五（21日）及上周六（22日）連續兩日，發現有人喺元朗錦田空地上演「維港煙花匯演」翻版，煙花效果同聲響震耳欲聾，相信係用俗稱「椰子炮」煙花先有呢種級數，不過唔係個個人都咁buy。
從事行街Sales嘅周先生表示，上周六喺元朗錫降圍站崗工作，傍晚7點幾坐喺公園涼亭休息的時候，突然聽到幾下嘭嘭聲，望上個天變到發白，佢一度「仲以為係爆炸！」後尾先知有人放緊煙花，啲煙花效果令佢嚇呆，認為玩還玩，違法活動搞到咁大陣仗真係要考慮清楚。不過佢就話當時有架警車擺喺附近路口，但係咁大火花及巨響，車廂內阿Sir就好似無動於衷，唔知係咪呢個日子經常有人放煙花，阿Sir都睇到慣晒。
火舌恐飛入民居
另一名居住喺元朗屋苑峻巒單位嘅王先生，上周五晚上10點幾聽到有異響，走出窗台望向沙埔村嘅方向，先知道有人放煙花，前後兩次，每次大約維持半分鐘，由於放煙花位置同寓所相隔大約三至四百米，效果非常震撼，好似近距離睇維港煙花匯演咁，就連片中都有人不禁連爆數句「嘩嘩嘩，好誇張呀！」不過佢就驚煙花與民居太近，如果花炮口放錯方向，火舌分分鐘飛入廳。我哋曾經問過警方，警方就話無收過無任何居民打九九九報案。可能大家掛住睇無人報警，如果下次真係有件咁嘅事，奉勸大家都係報定案，以免樂極生悲。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。