星期五澳職，榜首嘅珀斯光輝今季不敗齋砵被破，作客上季常規賽冠軍FC悉尼，開波18分鐘已經落後，頂唔住敵軍首席射手方祖，俾對方喺禁區混戰破門，之後一直踢到完場前三分鐘，再失多一球，俾丹尼爾達施華攻入佢今季首個聯賽入波。至於光輝就要踢到90分鐘，先由啱啱入選咗澳洲一月亞洲盃大軍嘅伊高路美迪斯破蛋，結果輸1:2，錄得今季首敗，而且亦俾FC悉尼拉近到只差三分。