《FIFA19》已出咗一排，不過多蒙特中場韋素就唔多滿意喇，仲嫌佢喺遊戲入面個樣太騎呢，同當年基斯坦奴朗拿度嘅銅像有得揮！韋素日前喺twitter上載咗自己喺遊戲入面嘅造型，要求廠商幫佢執執個樣。佢嘅不滿係有道理嘅，皆因除咗佢嘅爆炸頭外，其他地方都差天共地，更可以用「醜陋」兩字嚟形容！有球迷仲將佢嘅遊戲造型放落韋素嘅真人相到（圖），非常惹笑！