【本報訊】HMV香港零售店清盤，HMV數碼中國（8078）股價大跌，主席蕭定一的父親蕭若元以「從HMV講起 做好家人的後盾」為題發出11分鐘「最新蕭析」片段，對外回應。
蕭若元講到，「我並不以蕭定一呢次挫敗為恥，當然蕭定一嘅挫敗係嚴重，佢揸嘅股票市值唔見十幾二十億，但呢啲係數字遊戲。」對於兒子的生意，蕭若元亦感無能為力，「我可能無能力完全挽救佢嘅生意，但我有能力完全照顧佢哋生活，或者再幫佢哋東山再起。」
他分析HMV清盤，「作為實體店經營係非常之困難，香港租金咁貴呢。第二就係買CD呢啲生意當然係跌得好犀利……當然（蕭定一）有錯誤decision喺入面，亦有執行不力喺入面，亦有大經濟環境喺入面。」
「幸災樂禍的人如狗吠」
對於食花生的網友，蕭若元片中開頭提到，「喺網度有啲敵視我嘅人話，講吓HMV啦，講吓你個仔啦，好似捉到我痛腳咁，首先我係一個事無不可對人言嘅人，任何嘢都可以公開我嘅睇法。」最後則提到，「幸災樂禍嘅人，你哋會絕對失望，我唔會因此令我唔開心……我覺得你哋好似狗吠一樣，我唔會因為隻狗吠而唔開心。」