【聖誕入廚】空氣炸鍋煮檸蜜烤雞　皮脆肉嫰唔油膩

聖誕節就到，除了出街狂歡，在家為家人朋友煮番餐都係相當唔錯的節目。平日Gadget Guy試手機、電腦、相機當食生菜，到今次要實試Philips的第三代健康空氣炸鍋Airfryer XXL，就即時令肥通同韓繼聰如臨大敵，事關今次唔係要佢哋比拼溫度或時間，而係要真真正正落手落腳試煮！自言少下廚的肥通，今次被指定要整蛋糕，本身連氣炸鍋可以整蛋糕都唔知，收到挑戰後當然即時拜師學藝。

肥通同韓繼聰兩位Gadget Guy今次收到任務要下廚實試Philips的第三代健康空氣炸鍋Airfryer XXL。

另一邊廂聲稱自己有煮下飯仔的阿聰，就決定靠自己，上網搵食譜照整一味「檸檬蜜糖雞」。雖然叫空氣炸鍋，但其實同樣有烤焗效果功能，加上氣炸鍋原來已備有預設烤雞功能，相信只要調好味道，烤焗過程不會有太大難度。結果阿聰在超級市場買齊冰鮮雞、檸檬、蜜糖、雞粉、鹽、黑胡椒、香草、橄欖油，再加上小薯仔、紅蘿蔔、紅洋葱、西蘭花等配料就已經完成備戰。

阿聰在超級市場買齊冰鮮雞、檸檬、蜜糖、雞粉、鹽、黑胡椒、香草、橄欖油，再加上小薯仔、紅蘿蔔、紅洋葱、西蘭花等配料就已經完成備戰。

抹乾雞內外，就可以落醃料醃雞，其中可用半個檸檬和半個紅洋葱連同醃料放入雞身內，令味道更均勻。

醃大概一至三小時，已經可以放入空氣炸鍋，更可用新機預設的烤雞模式烤雞。

材料唔難，做法亦算簡單，首先當然要清理好雞內臟，避免煮出來有血水和雪味，再切頭切尾（鍾意食雞pat pat可自行決定留雞尾），之後抹乾雞內外，就可以以落醃料醃雞，其中可用半個檸檬和半個紅洋葱連同醃料放入雞身內，令味道更均勻。醃大概一至三小時，已經可以放入空氣炸鍋，用預設的烤雞模式，先把溫度提高至200度焗5分鐘，把雞表面先焗乾一點，輕輕做出鎖汁效果，之後再以135度，每焗15分鐘開鍋，塗上蜜糖加醃料混合而成的蜜汁（約1：1份量），共焗四次（1小時）即可。不要忘記在最後一次開鍋時，加入切成小塊的小薯仔、紅蘿蔔、紅洋葱、西蘭花作配料。

先用200度焗5分鐘，把雞表面先焗乾一點，再以135度，每焗15分鐘開鍋，塗上蜜糖加醃料混合而成的蜜汁（約1：1份量），共焗四次（1小時）即可。

烤焗完成後，不難發現烤雞的金黃微脆外皮效果跟一般焗爐相近，幕後評判表妹更表示：「比焗爐更好的是內裏的肉質更嫩滑，肉汁也更多。」

新機首次加入的Twin TurboStar高速熱空氣循環技術，以高速循環的熱空氣煮食，除了可令烤雞外脆內嫩，更有溶化脂肪的功能，極邪惡的雞油自動聚集在鍋底，並能輕易倒出。

肥通自言少下廚，但拜師學藝後，整蛋糕似模似樣！

肥通話單整brownies唔夠邪惡，更準備了不少配料，並加了雙倍朱古力，話要大家食到好似佢咁肥先至可愛。

肥通作品，睇得又食得，效果相當唔錯。

烤焗完成後，不難發現烤雞的金黃微脆外皮效果跟一般焗爐相近，幕後評判表姐更表示：「比焗爐更好的是內裏的肉質更嫩滑，肉汁也更多。」這或者跟今次新機首次加入的Twin TurboStar高速熱空氣循環技術有關，此技術利用強勁摩打加上加熱器，以高速循環的熱空氣煮食，除了可令烤雞外脆內嫩，亦可更有效地保留肉汁。另外，新技術更有溶化脂肪的功能，極邪惡的雞油自動聚集在鍋底，並能輕易倒出，健康或減肥人士當然要倒入垃圾筒，但肥通、阿聰同表妹就一於少理，用來點雞食一樣美味無窮。至於這健康空氣炸鍋Airfryer XXL實試廚藝比賽究竟誰勝誰負呢？睇片你咪知囉！

原來表妹就係今次挑戰的幕後評判，至於這健康空氣炸鍋Airfryer XXL實試廚藝比賽究竟誰勝誰負呢？睇片你咪知囉！

Philips的第三代健康空氣炸鍋Airfryer XXL除了可少油煮食，更可做齊烤、焗、煮、炸、煎多種煮法。$2,698

【聖誕入廚】空氣炸鍋煮檸蜜烤雞 皮脆肉嫰唔油膩

【聖誕入廚】空氣炸鍋煮檸蜜烤雞　皮脆肉嫰唔油膩