噚日係澳門回歸紀念日兼公眾假期，唔少澳門市民趁假期準備經港珠澳大橋到香港遊覽，可惜出師不利，大批人一早喺大橋澳門口岸打蛇餅想搭金巴，但金巴班次不足，過千乘客苦等兩、三個鐘先上到車。有人訴苦話「排隊先嚟暴曬」，身心都㷫合合。
排三粒鐘 唔畀退票
有等到嬲嬲嘅乘客話，噚日朝早10點喺澳門口岸排隊等車，但苦等兩、三個鐘先上到車。咁啱氣溫回暖兼艷陽高照，有帶遮嘅市民仲有得擋一擋太陽，冇遮嘅乘客話就嚟曬到暈咁滯。聽聞有唔少老友記捱唔住，想打退堂鼓取消行程返屋企算數，但金巴拒絕退票，等又唔係，唔等又唔係，最終有人辛苦到要叫白車送院。
雖然澳門警察有到場維持秩序，但金巴數目不足，長到唔見尾嘅人龍始終難以消化，唔少乘客將慘況po喺社交媒體吐苦水，大量網民派「嬲嬲」。
《蘋果》致電金巴問個究竟，客戶中心高級經理陳小姐聲稱公司已經增加金巴班次，但實際增加咗幾多？佢話要核實，答唔到記者。記者追問點解有人要求退票被拒呢？陳小姐就話根據規定，一般確係唔畀退票嘅，但如果有特殊情況，客人有強烈理由退票，公司會考慮吓喎。佢又話客人以現金買飛可以即時退款，但透過微信畀錢就要等5至7個工作天。咁嘅答案，各位等車苦主又gur唔gur呢？
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。