尖沙嘴爭做話事人？日前有多位讀者報料，指兩批不同幫派嘅黑幫人馬，懷疑涉及地盤利益問題，有人拎住刀棍喺一間樓上吧喊打喊殺，有人被打到爆晒缸，夜店CCTV拍低全個「掃場」過程，唔講以為自己睇緊《古惑仔》電影。
對家五日後覆桌
聽返消息人士講，上星期一晚，一班有黑幫背景嘅酒客喺尖沙嘴寶勒巷一間樓上吧消遣，懷疑同現場人士有爭執，於是一班負責睇場嘅陀地戴上口罩，擸晒刀棍到場晒馬，最後出手教訓對方，從CCTV片段見到，成班黑漢並非善男信女，一見目標人馬，二話不說持棍狂毆，當時喺度飲酒嘅人馬手無寸鐵，只好且戰且退，有人由枱面捱打到匿入DJ枱，仲要一路俾對方狂扑手腳，一邊潑埋啤酒淋全身，事後周身瘀傷，亦有人畀黑漢用棍狂毆分幾鐘，即使有男友人幫拖伸手阻止，結果都要頭破血流收場，成班酒客最終敗走逃離現場。
俾人打嘅一幫人馬係咪就此偃旗息鼓？梗係唔係啦！據消息人士講，對方喺五日後「覆桌」，去到山林道對方打骰酒吧鬧事，成班睇場聞訊拎晒架生戒備，其中一個小頭目表明身份：「我哋係勝和嘅，我哋跟『魚蛋』，冷靜！」血戰隨時一觸即發，最終點樣收場就冇人知，我哋問過警方，呢兩日未接過相關案件，好大機會兩幫人「江湖事江湖了」，但肯定係黑吃黑，如果有客咁啱喺度無辜被斬就無謂咯！
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。