噚日Blue Monday又係打工仔開始捱世界嘅開始，晨早出門口返工，抬頭望下個天，見到維港上空好似分開咗一半咁，一半藍天一半雲層，畫面好得意，即時為沉鬱嘅心情帶嚟一啲朝氣。
天文台：季候風推走雲層
馬先生噚日朝早7點半，喺尖沙嘴搭船去中環期間，見到維港上空好似一分為二咁，九龍區晴空萬里、港島區嗰邊就有雲層，好似一條分界線咁。翁先生亦喺差唔多時間，行經中環國際金融中心行人天橋，見到天空雲層好特別，佢形容好似兩種天氣交接咁。
巿民Peter Chiu亦都喺九龍灣拍咗一條縮時片段，影住維港上空濕潤雲層，畀南下乾燥嘅冷空氣擊退，雲層與冷空氣嘅交界壁壘分明，劏開藍天嘅經過。佢將片段上載去天文台「社區天氣觀測計劃 CWOS」fb群組，天文台長岑智明都有分享，形容畫面有如「半邊天」。
天文台科學主任李子維解釋，呢個現象，其實係因為乾燥嘅東北季候風，正為華南帶嚟普遍晴朗嘅天氣，而乾燥嘅東北季候風，將我哋頭頂嘅雲層向南推，喺季候風同雲層之間造成分界，形成好似兩邊天咁，呢個現象其實算普遍。
李子維補充，乾燥東北季候風今日仍繼續影響本港，今日本港大致天晴乾燥，因為噚晚（17號）雲量唔多，晚間輻射量比較明顯嘅情況之下，今日巿區氣溫應該最低17度，新界會再低幾度。巿民要睇住溫度嚟着衫喇。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。