星期五澳職布里斯班獅吼主場對墨爾本勝利嘅賽事，兩隊上半場大打進攻足球，半場一共炮製咗六個入波，勝利半場以4:2領先獅吼，爆出500倍的4:2波膽！下半場兩隊無交收，勝利最終贏4:2，聯賽連勝紀錄延長到六場。
半場贏4:2錄6連勝
上半場13分鐘，勝利就由巴巴路西斯接應杜羅奧斯助攻先開紀錄領先1:0。落後嘅獅吼之後更打少個，中場包菲迪21分鐘兩黃一紅。去到27分鐘，獅吼前鋒阿當泰加特主射12碼中鵠追平，不過開心唔夠五分鐘勝利又領先，托禾倫接應哥利布朗嘅左路傳中射入，領先到2:1。
之後嗰三個入波都係勝利包辦，先有本田圭佑喺40分鐘射入12碼、托禾倫兩分鐘後擺烏龍「再建一功」、同巴巴路西斯喺完半場前接應角球幫勝利埋齋，半場維持4:2的比數，爆出500倍波膽。下半場兩隊回歸平淡互交白卷，勝利最終贏4:2。