巴甲球隊帕拉尼恩斯（圖）喺周三南美球會盃決賽次回合，主場同哥倫比亞嘅青年體育會踢成1:1，兩回合計踢成2:2，兩隊加時後都係未分勝負，最終帕拉尼恩斯憑互射12碼贏4:3，兩回合計總比數贏6:5，歷史性第一次贏洲際賽事嘅冠軍。帕拉尼恩斯之前喺洲際賽事最好嘅成績，只係喺2005年嘅南美自由盃拎亞軍，雖然南球盃係比南美自由盃次一級嘅賽事，好似歐洲嘅歐霸盃咁，不過今次總算係贏到個冠軍吖！