施丹禮拜二喺Instagram就po咗張相，見到好多「熟人」同佢一齊食飯，大家又認唔認得出佢哋呢？其實相入面嘅10位主角，全部都係法國98年贏世盃嘅功臣，從左至右順序分別係李沙拉素、杜林、簡迪拿、保賀斯恩、白蘭斯、施丹、杜加里、林馬、卡林保同迪奧美迪。唔知呢班舊隊友聚首，又有冇比較吓佢哋同今夏同樣贏得世盃嘅現役法國隊，睇吓邊隊勁啲呢？