繼洛賓之後，拜仁慕尼黑另一位老將列貝利都落實季尾唔續約，即係話「2R」組合今季之後就會正式解散。體育總監沙歷咸美斯就話自己同高層雖然覺得列貝利仍然好出色，但都希望球會下季會有轉變，所以對方季尾約滿後，就會離開呢間效力咗12年嘅德甲班霸。由於「2R」告別，即係話拜仁邊線會正式改朝換代，估計京士利高文同基拿比係家陣最適合嘅接班人。