被控非禮嘅加斯居尼，周二上庭聆訊時大叫冤枉。加斯居尼今年8月20日喺火車站被捕，原因係涉嫌喺火車度性侵一名女子，周二喺特勒姆郡嘅彼得利地方法院提堂，但佢就否認控罪，所以案件會轉移到提賽德皇冠法院，再進行聆訊。加斯居尼被捕後一直都唔認罪，堅持係俾人詆譭。呢位英格蘭國家隊一代中場，掛靴後問題多多，又酗酒又曾被指精神出現問題。